Dekabrın 3-də Braziliyada Beynəlxalq Həmkarlar İttifaqları Konfederasiyası (BHİK) Baş Şurasının 35-ci iclası öz işinə başlayıb.Tədbirdə Azərbaycan Həmkarlar İttifaqları Konfederasiyasının sədri Sahib Məmmədov iştirak edir.BHİK-nın prezidenti xanım Akiko Qono Şuranın gündəliyi ilə üzvləri tanış edib. Sonra təşkilatın Baş katibi Luk Trianqlın hesabatı dinlənilib, ötən dövr ərzində görülən işlər Şura üzvlərinin diqqətinə çatdırılıb.İclasda gündəlikdəki məsələlər, o cümlədən Baş Şuranın 34-cü iclasının hesabatı, 2025-ci il üçün iş planı, Baş Şuranın və İcraedici Büronun növbəti il üçün iclas günləri təsdiqlənib. Həmçinin Beynəlxalq Əmək Təşkilatı və BHİK-nın strateji prioritetləri, iqlim dəyişmələri və ədalətli keçid üzrə 2022-ci ildən indiyədək görülən işlər, sülh və təhlükəsizlik məsələləri müzakirə edilib və müvafiq qərarlar qəbul olunub.Baş Şurada Özbəkistan Həmkarlar İttifaqları Federasiyasının BHİK-ya üzvlüklə bağlı müraciətinə baxılıb, müzakirələr zamanı Azərbaycan Həmkarlar İttifaqları Konfederasiyasının nümayəndələri özbəkistanlı həmkarlarına öz dəstəklərini ifadə ediblər.Eyni zamanda iclasda Azərbaycan Həmkarlar İttifaqları Konfederasiyasının sədri Sahib Məmmədov BHİK-nın vitse-prezidenti vəzifəsinə təsdiqlənib.Tədbirdə BHİK-nın 2027-ci ilin noyabr ayında Avstriyada keçirilməsi nəzərdə tutulan VII Qurultayı barədə danışıqlar aparılıb. Bildirilib ki, Qurultayda Baş katib və digər yüksək vəzifəli şəxslər seçiləcək, Baş Şuranın üzvləri müəyyənləşəcək, qarşıda duran vəzifələr planlaşdırılacaq və bəyanat qəbul olunacaq. Eyni zamanda qurumun nizamnamə və digər sənədlərində dəyişikliklər müzakirə ediləcək.Qeyd edək ki, BHİK Baş Şurasının iclası dekabrın 5-də yekunlaşır.4-4 (1).jpeg 108.44 KB3-5.jpeg 300.37 KB2-5.jpeg 125.16 KB

04.12.2024

3 dekabr 2024-cü il tarixində ATİAHİ Respublika Komitəsində “Yollayışların yeni qaydalarla verilməsi” mövzusunda geniş tərkibli iclas keçirildi.İclasda ATİAHİ sədri Araz Paşayev, sədr müavinləri Mirzə Cəfərzadə və Turanə Kərimova, AHİK sədrinin müşaviri İlkiyar Ziyadov, “Kurort” Turizm İnformasiya Mərkəzinin direktoru Emiliya Səfərəliyeva və üzv təşkilatların sədrləri iştirak edirdilər.Tədbiri ATİAHİ sədr müavini Mirzə Cəfərzadə açaraq iştirakçıları salamladı və görüşün əsas məqsədi barədə məlumat verdi. Sonra söz ATİAHİ sədri Araz Paşayevə verildi.Araz Paşayev görüşün əsas məqsədinin yollayışların verilməsində yeni qaydaların tətbiqi məsələsi olduğunu qeyd etdi. Yeni sistemin şəffaflığı təmin etmək və üzvlərin yollayışlardan bərabər şəkildə yararlanmasını təmin etmək məqsədi daşıdığını vurğuladı. O, sənədləşmə prosesinin elektronlaşdırılmasının bu istiqamətdə atılacaq ən vacib addımlardan biri olduğunu bildirdi. Eyni zamanda, yaşlı nəsil təhsil işçiləri və müasir texnologiyadan istifadə edə bilməyən üzvlər üçün kağız formasında müraciət imkanlarının hələ də qalacağını əlavə etdi.Daha sonra AHİK sədrinin müşaviri İlkiyar Ziyadov çıxış edərək yeni qaydaların mahiyyəti və məqsədləri barədə danışdı. O, qeyd etdi ki, yollayışların rəqəmsallaşdırılması prosesi yalnız şəffaflığı artırmaqla kifayətlənməyəcək, həm də vaxt və resurslara qənaət edəcək. Ardınca, “Kurort” Turizm İnformasiya Mərkəzinin direktoru Emiliya Səfərəliyeva çıxış etdi. O, yollayışların mərkəzləşdirilmiş qaydada idarə olunması, güzəştlərin tətbiqi və üzvlərin bərabər imkanlardan faydalanması üçün atılacaq addımlar barədə məlumat verdi. Şəhid ailələri, qazilər və sağlamlıq problemi olan üzvlər üçün xüsusi güzəştlər olacağını qeyd etdi. Eyni zamanda, tətbiq edilən xüsusi güzəştlərin ATİAHİ sədrinin səlahiyyətlərinə daxil olduğunu vurğuladı. Emiliya xanım əlavə etdi ki, yollayış üçün müraciətlər yalnız yay mövsümü ilə məhdudlaşmamalı, digər fəsillərdə də üzvlərin istirahətə cəlb olunması təmin edilməlidir. Bu, müraciətlərin sayını balanslaşdırmağa və sistemin daha effektiv işləməsinə kömək edəcək.Araz Paşayev əlavə olaraq üzv təşkilatlarla birbaşa əməkdaşlığın gücləndirilməsinin, onların fəaliyyətlərindəki çatışmazlıqların aradan qaldırılmasının vacibliyini vurğuladı. O, xüsusi qruplar üçün güzəştli yollayışların davam etdiriləcəyini təsdiqlədi və bu tədbirlərin həm sosial təminatın gücləndirilməsinə, həm də daha ədalətli bir sistemin qurulmasına xidmət edəcəyini qeyd etdi.Tədbirin növbəti hissəsi sədr müavini Mirzə Cəfərzadənin rəhbərliyi ilə davam etdi. O, üzv təşkilat sədrlərini işlərində daha məsuliyyətli olmağa və neqativ halların qarşısını almağa çağırdı.Ardınca, tədbir şöbə müdirlərinin çıxışları ilə davam etdi. Onlar öz növbəsində tətbiq olunan yeni proqramlar haqqında təlimat verdilər və iştirakçıların suallarını cavablandırdılar. Tədbirin sonunda üzv təşkilat sədrlərinin ATİAHİ-nin fəaliyyəti ilə bağlı onları maraqlandıran suallar cavablandırıldı. Sədr və sədr müavinləri iştirakçıları işlərində şəffaf, obyektiv və operativ olmağa çağırdılar. Həmçinin, Yeni İl ərəfəsində keçirilməsi nəzərdə tutulan şənliyin təhsil sahəsində çalışan xüsusi qruplar və təhsildə uğurlu nəticələr göstərən müəllimlər üçün təşkil ediləcəyini bildirdilər.IMG_9222.JPG 415.75 KBWhatsApp Image 2024-12-04 at 17.51.45.jpeg 546.1 KB9c4d8410-9a6a-4253-b6c3-f9bc44c29a89.jpeg 350.82 KBb546c2b9-6528-4914-ada3-be9706ecec3b.jpeg 184.78 KBf62d785e-992d-4022-a5ed-3fae0fa83933.jpeg 185.32 KB

03.12.2024

Azərbaycan Həmkarlar İttifaqları Konfederasiyasında Özbəkistan Həmkarlar İttifaqları Federasiyasının nümayəndələri ilə görüş keçirilib. Görüşdə müxtəlif sahələr üzrə inkişaf edən Azərbaycan-Özbəkistan əlaqələrindən danışılıb, əməkdaşlığın genişlənməsində dövlət başçılarının qarşılıqlı səfərlərinin əhəmiyyəti vurğulanıb, həmkarlar ittifaqları arasında münasibətlər müzakirə olunub.Ölkələrimiz arasında əlaqələrin yüksək səviyyəyə çatmasında Azərbaycan Prezidenti cənab İlham Əliyevin və Özbəkistan Prezidenti cənab Şavkat Mirziyoyevin mühüm rolunu diqqətə çatdıran Konfederasiya sədri Füzuli rayonunda Mirzə Uluqbəy adına orta məktəbin inşa olunmasını Qarabağda həyata keçirilən bərpa-quruculuq işlərinə qardaş dəstəyi adlandırıb.Azərbaycan həmkarlar ittifaqlarının fəaliyyətindən söz açan Konfederasiya sədri Sahib Məmmədov üzvlərin əmək, sosial, iqtisadi hüquqlarının və qanuni mənafelərinin müdafiəsi, sağlamlığının qorunması, müalicə və istirahətlərinin təşkili istiqamətində görülən işlər və tətbiq olunan yeniliklər, həmçinin sanatoriya-kurort müəssisələri, onların iş prinsipi, göstərilən xidmətlər barədə Özbəkistan nümayəndələrinə məlumat verib.7WhatsApp Image 2024-12-03 at 09.41.09 (2).jpeg 329 KB64321Bildirilib ki, Azərbaycan Həmkarlar İttifaqları Konfederasiyası ilə Özbəkistan Həmkarlar İttifaqları Federasiyası arasında əlaqələr davamlı olaraq genişlənir. Ötən ilin sentyabrında imzalanan əməkdaşlıq haqqında Memorandum iki qardaş ölkənin sahə həmkarlar ittifaqları arasında münasibətlərin qurulmasına və inkişafına təkan verib. Vurğulanıb ki, Azərbaycan və Özbəkistan həmkarlar ittifaqları üzvlərinin müalicə və istirahətinin təşkilinə dair birgə layihələrin həyata keçirilməsi nəzərdə tutulur.Özbəkistan Həmkarlar İttifaqları Federasiyası yanında Sanatoriya-kurort idarəsinin rəisi Anvar Ahmedov ölkələrimizin və iki qardaş xalqın münasibətlərinin yüksək səviyyəsindən məmnunluqla bəhs edib.Anvar Ahmedov həmçinin rəhbərlik etdiyi sahənin fəaliyyətindən, ittifaq üzvlərinin müalicəsi və istirahəti üçün yaradılmış şəraitdən danışıb, azərbaycanlı həmkarları ilə apardıqları təcrübə mübadiləsinin gələcək fəaliyyət üçün faydalı olacağını diqqətə çatdırıb.Görüşdə həmçinin əlaqələrin inkişafına dair təkliflər səslənib, təşəbbüslər irəli sürülüb.Qeyd edək ki, Azərbaycana səfər çərçivəsində Özbəkistan Həmkarlar İttifaqları Federasiyasının nümayəndələri Naftalan şəhərində də olub, icra hakimiyyətində görüş keçirib, eləcə də Azərbaycan Həmkarlar İttifaqları Konfederasiyasının şəhər ərazisində yerləşən sanatoriya və obyektləri ilə tanış olublar.

02.12.2024

26-27 noyabr tarixlərində Monteneqronun Budva şəhərində Təhsil üzrə Avropa Həmkarlar İttifaqı Komitəsinin Konfransı keçirilib.Avrop və Asiyanın  55 ölkəsinin 123 üzv təşkilatından təxminən 500 nümayəndənin qatıldığı bu mötəbər tədbirdə Azərbaycanı ATİAHİ Respublika Komitəsinin sədri Araz Paşayevin rəhbərlik etdiyi nümayəndə heyəti təmsil edib.Konfransın əsas mövzusu “Sosial Avropada dövlət təhsilinin gələcəyi uğrunda mübarizə” olub. Tədbirdə həmkarlar ittifaqlarının gücləndirilməsi, dövlət təhsilinin hər kəs üçün əlçatan və keyfiyyətli olması, ədalətli və inklüziv təhsil, təhsildə rəqəmsal alətlərin və süni intellektin təsirləri, eləcə də mühafizəkar ideologiyalara qarşı mübarizə kimi aktual məsələlər geniş müzakirə olunub. Eyni zamanda, konfrans çərçivəsində təşkilatın son dörd illik fəaliyyəti və auditor hesabatları nəzərdən keçirilib, 2025-2028-ci illər üçün strateji fəaliyyət proqramı və büdcə qəbul edilib.Tədbirdə Beynəlxalq Təhsil Birliyinin prezidenti Muqvena Maluleke, baş katibi David Edvard, Təhsil üzrə Avropa Həmkarlar İttifaqının prezidenti Larri Flanagan, Beynəlxalq Təhsil Birliyinin Avropa regionu üzrə koordinatoru Jelmer Evers, həmkarlar ittifaqı liderləri, elm və təhsil üzrə ekspertlər, eləcə də ictimaiyyətin və mətbuatın nümayəndələri iştirak ediblər.Təhsilin qarşısında duran çətinliklərə həsr olunmuş çıxışlarda dövlət məktəblərinin azalması, özəl təhsil müəssisələrinin artması, təhsilə ayrılan büdcələrin azaldılması və peşəkar müəllim çatışmazlığı kimi məsələlər xüsusi vurğulanıb.Konfrans zamanı Təhsil üzrə Avropa Həmkarlar İttifaqı Komitəsinin prezident, vitse-prezident və İcraiyyə Komitəsi üzvlərinin seçkiləri keçirilib. Qapalı səsvermə nəticəsində İrlandiya Müəllimlər Birliyinin sədri Con Makqabhann dörd illik müddətə Təhsil üzrə Avropa Həmkarlar İttifaqı Komitəsinin prezidenti seçilib. Danimarka, Böyük Britaniya, Fransa, Serbiya, Polşa və İspaniyadan olan təhsil işçiləri həmkarlar ittifaqlarının liderləri vitse-prezident vəzifəsinə seçilib.Azərbaycan Təhsil İşçilərinin Azad Həmkarlar İttifaqı Respublika Komitəsinin sədri Araz Paşayev də İcraiyyə Komitəsinə namizəd göstərilib və böyük səs çoxluğu ilə 2025-2028-ci illər üçün İcraiyyə Komitəsinin üzvü seçilib.İcraiyyə Komitəsinin ilk iclasında çıxış edən Araz Paşayev ona göstərilən etimada görə iştirakçılara təşəkkür edib və ATİAHİ-nin Azərbaycan Həmkarlar İttifaqları Konfederasiyasının ən böyük üzv təşkilatı kimi təhsil işçilərinin hüquqlarının qorunmasında gördüyü işlər barədə məlumat verib.Səfər çərçivəsində Araz Paşayev Beynəlxalq Təhsil Birliyinin prezidenti Muqvena Maluleke, Təhsil üzrə Avropa Həmkarlar İttifaqı Komitəsinin yeni seçilmiş prezidenti Con Makqabhann və direktor Jelmer Evers ilə təkbətək görüşlər keçirib. Görüşlərdə əməkdaşlıq perspektivləri müzakirə edilib. Bununla yanaşı, Bolqarıstan və İspaniyanın həmkarlar ittifaqları liderləri ilə əməkdaşlıq imkanları barədə fikir mübadiləsi aparılıb.cd44b766-cce3-4930-8c20-36032909cd02 (1).jpeg 190.95 KBIMG_3419.jpg 1003.36 KBIMG_3422.jpg 1.04 MBIMG_3444.jpg 758.19 KBIMG_3522 (1).jpg 704.25 KBIMG_3458.jpg 874.94 KB

27.11.2024

21-22 noyabr tarixlərində Azərbaycan Təhsil İşçiləri Azad Həmkarlar İttifaqı Respublika Komitəsinin nümayəndə heyəti Tacikistanın Düşənbə şəhərində 6 ölkənin iştirakı ilə keçirilən beynəlxalq konfransda iştirak edib. Konfrans Tacikistan Elm və Təhsil İşçiləri Həmkarlar İttifaqının təşkilatçılığı ilə "Beynəlxalq əmək standartlarının təşviqində həmkarlar ittifaqlarının rolu və təcrübəsi" mövzusunda keçirilib.Tədbir təhsil işçilərinin əmək hüquqlarının qorunması, iş şəraitinin yaxşılaşdırılması və beynəlxalq əmək standartlarının tətbiqi ilə bağlı təcrübə mübadiləsi aparmaq məqsədilə təşkil olunub. Konfransda Tacikistan, Azərbaycan, Qazaxıstan, Özbəkistan, Gürcüstan və Türkiyənin təhsil işçiləri həmkarlar ittifaqlarının liderləri və fəalları iştirak ediblər. İştirakçılar arasında Tacikistanın Elm və Təhsil Nazirinin müavini Camşed Jurazoda, Tacikistan Həmkarlar İttifaqları Federasiyasının sədri Malikşo Nemətzoda, Beynəlxalq Əmək Təşkilatının (BƏT) Şərqi Avropa və Mərkəzi Asiya üzrə İşçilərin Fəaliyyəti Ofisinin baş mütəxəssisi Qoça Aleksandria və BƏT-in Milli Koordinatoru Sabir Əminov da yer alıb.Azərbaycanı bu tədbirdə Azərbaycan Təhsil İşçiləri Azad Həmkarlar İttifaqı Respublika Komitəsinin sədr müavini Mirzə Cəfərzadə, Respublika Komitəsi sədrinin katibi-müşaviri Renata Mənsurova və Beynəlxalq Əlaqələr Şöbəsinin müdiri Qönçə Hacıyeva təmsil ediblər.Konfransda həmkarlar ittifaqlarının beynəlxalq əmək standartlarının tətbiqində və təhsil işçilərinin hüquqlarının qorunmasındakı mühüm rolu müzakirə edilib. Qönçə Hacıyeva ATİAHİ RK-nın fəaliyyət istiqamətləri barədə iştirakçılara geniş məlumat verib. O, həmçinin Azərbaycan Həmkarlar İttifaqları Konfederasiyasının bir hissəsi olaraq, ölkəmiz tərəfindən ratifikasiya edilən Beynəlxalq Əmək Təşkilatının 59 konvensiyası və 1 protokolunun tətbiqi ilə bağlı təcrübələrini bölüşüb.İki gün davam edən konfransda həmkarlar ittifaqlarının beynəlxalq əmək hüquqlarının təşviqi və sosial ədalətin təmin edilməsi istiqamətindəki fəaliyyətləri yüksək qiymətləndirilib. Tədbir iştirakçıları bu mövzularda daha geniş əməkdaşlıq perspektivlərinin olduğunu vurğulayıblar.IMG_9067.JPG 438.55 KBIMG_9068.JPG 391.49 KB

22.11.2024

ATİAHİ nümayəndə heyəti Türkiyədə V Beynəlxalq Türk Dünyası Təhsil və Sosial Elmlər Konfransında iştirak edir22-23 noyabr tarixlərində Türk Eğitim-Sen və Avrasiya Təhsil İşçiləri Beynəlxalq Həmkarlar İttifaqları Birliyinin təşkilatçılığı ilə V Beynəlxalq Türk Dünyası Təhsil və Sosial Elmlər Konfransı keçirilir. Tədbirdə 47 ölkədən 1574 elm və mədəniyyət nümayəndəsi iştirak edib. Azərbaycanı bu mötəbər tədbirdə ATİAHİ Respublika Komitəsinin sədri Araz Paşayevin rəhbərlik etdiyi nümayəndə heyəti təmsil edir.Elmi konfransda Şimali Kipr Türk Respublikası Əmək və Sosial Müdafiə naziri Sadıq Gardiyanoğlu, Türk Eğitim-Sen və Avrasiya Təhsil İşçiləri Beynəlxalq Həmkarlar İttifaqları Birliyinin sədri Talip Geylan, eləcə də Qazaxıstan, Qırğızıstan, Şimali Kipr, Kosovo, Makedoniya, Rumıniya və İraqdan olan təhsil işçiləri həmkarlar ittifaqlarının liderləri iştirak edirlər.Konfrans çərçivəsində Azərbaycan Təhsil İşçiləri Azad Həmkarlar İttifaqı Respublika Komitəsinin sədri Araz Paşayev V Beynəlxalq Türk Dünyası Təhsil və Sosial Elmlər Konfransının fəxri münsiflər heyətinə üzv seçilib.Qeyd edək ki, 2017-ci ildən etibarən Türk Eğitim-Sen və Avrasiya Təhsil İşçiləri Beynəlxalq Həmkarlar İttifaqları Birliyinin təşəbbüsü ilə təşkil olunan bu konfranslar türkdilli ölkələr arasında elm, təhsil, sosial və mədəni əməkdaşlığın gücləndirilməsinə xidmət edir. Eyni zamanda, bu tədbirlər yüzlərlə türkdilli gənc alimin yetişməsinə, onların beynəlxalq elmi arenaya çıxışına şərait yaradır.467909521_7537880103003767_10881982782352288_n.jpg 349.67 KBIMG_9065.JPG 11.01 MB

22.11.2024

Noyabrın 15-də Azərbaycan Həmkarlar İttifaqları Konfederasiyasına üzv olan Azərbaycan Təhsil İşçiləri Azad Həmkarlar İttifaqı Respublika Komitəsinin (ATİAHİ) sədri Araz Paşayev, ölkəmizi Ankara şəhərində keçiriləcək Türk Dünyasının Mühəndislik üzrə Beynəlxalq Zirvə Konfransında təmsil edəcək nümayəndə heyəti ilə görüş keçirib.3Görüşdə Azərbaycan Texniki Universitetinin, Sumqayıt Dövlət Universitetinin və Bakı Mühəndislik Universitetinin professorları iştirak ediblər. Beynəlxalq Zirvə Konfransında ediləcək çıxışlar müzakirə olunub.2Qeyd edək ki, Türkiyə Mühəndislər Dərnəyi və Avrasiya Təhsil İşçiləri Beynəlxalq Həmkarlar İttifaqının dəvəti ilə ATİAHİ Respublika Komitəsinin birgə əməkdaşlığı çərçivəsində 5-7 dekabr tarixlərində baş tutacaq konfransın əsas məqsədi Türk coğrafiyasındakı mühəndisləri ortaq platformda bir araya gətirərək təhsil sahəsində yeni perspektivlər açmaqdır.1Daha sonra Azərbaycan Təhsil İşçiləri Azad Həmkarlar İttifaqı Respublika Komitəsinin sədri Araz Paşayev ölkəmizi təmsil edəcək alimlərə uğurlar arzulayıb.Araz Paşayev görüş zamanı 60 illik yubileyini qeyd edən Azərbaycan Texniki Universitetinin Kibertəhlükəsizlik kafedrasının müdiri, professor Yadigar İmamverdiyevi təbrik edib. Professor Respublika Komitəsi tərəfindən Fəxri Fərman və hədiyyə ilə təltif olunub.67

16.11.2024

8 Noyabr – Zəfər Günündə ilk dəfə olaraq Azərbaycan Təhsil İşçilari Azad Hamkarlar İttifaqının (ATİAHİ) təşəbbüsü ilə Nabranda yerləşən "Təhsil İstirahət Mərkəzi"ndə Zəfər günüə həsr olunmuş "Alimlərin Zəfər düşərgə"si təşkil olunub.ATİAHİ-nin dəstəyi ilə təşkil olunan düşərgədə  Elm və Təhsil Nazirliyinin 100 alim əməkdaş iştirak edib."Alimlərin Zəfər düşərgə"sinin rəsmi açılış mərasimində əvvəlcə Azərbaycan respublikasının Dövlət Himni səsləndirildi, Ulu Öndər Heydər Əliyevin və tarixi Zəfəri Azərbaycana bəxş edən Vətən müharibəsinin qəhrəmanlarının əziz xatirələri bir dəqiqəlik sükutla yad edilib. Mərasimdə Azərbaycan Təhsil İşçilari Azad Hamkarlar İttifaqı Respublika Komitəsinin sədrinin müavini Mirzə Cəfərzadə Azərbaycan torpaqlarının işğalına son qoyan Zəfər Gününün dördüncü ildönümü münasibətilə tədbir iştirakçılarını təbrik edərək diqqətə çatdırıb ki, Müzəffər Ali Baş Komandan, Prezident İlham Əliyevin müdrik siyasəti və sərkərdəlik məharəti ilə Azərbaycan Ordusu cəmi 44 gün ərzində işğal altında olan torpaqları azad edib. Azərbaycan Ordusunun hər bir əsgəri bu mübarizədə sarsılmaz əzm və cəsarət nümayiş etdirib. Hər bir şəhidin adı, hər bir qazinin xatirəsi bizim üçün unudulmazdır, çünki onlar bu torpağın qürurunun, azadlığının daşıyıcılarıdır. M. Cəfərzadə 44 günlük Vətən müharibəsi zamanı 760 təhsil işçisinin düşmənə qarşı qəhrəmanlıqla vuruşduğunu, onlardan 20 nəfərin şəhid olduğunu düşərgə iştirakçılarının diqqətinə çatdırıb. Çıxışının sonunda Mirzə Cəfərzadə "Alimlərin Zəfər düşərgə"sinin səmərəli, rəngarəng keçəcəyinə əmin olduğunu bildirərək, iştirakçılara uğurlar arzulayıb.Çıxış edən Elmi Təşkilatların Birləşmiş Həmkarlar İttifaqı Komitəsinin sədri Habil Qurbanov, Vətən müharibəsi iştirakçısı, Radiasiya Problemləri İnstitutunun əməkdaşı Samir Mustafayev və digər natiqlər düşərgənin təşkilinə görə Azərbaycan Təhsil İşçilari Azad Hamkarlar İttifaqına təşəkkürlərini bildiriblər.Azərbaycan Təhsil İşçilari Azad Hamkarlar İttifaqı Respublika Komitəsinin sədrinin birinci müavini Tehranağa Abdullayev və sədr müavini Turanə Kərimova alimlərlə diskussiya şəklində fikir mübadiləsi aparıblar.Tədbir Azərbaycan Dövlət Mədəniyyət və İncəsənət Universitetinin Musiqi sənəti fakültəsinin 8 Noyabr – Zəfər Gününə həsr olunan konsert proqramı ilə davam etdirilib."Alimlərin Zəfər düşərgə"sində Radiasiya Problemləri İnstitutunun Vətən müharibəsində mərdliklə döyüşmüş dörd əməkdaşı da iştirak edir.Qeyd edək ki, 8-13 noyabr tarixlərində alimlərimizə maraqlı proqramlar təlimlər, əyləncəli yarışlar keçiriləcək.12345678910

08.11.2024

Noyabrın 7-də Azərbaycan Həmkarlar İttifaqları Konfederasiyası (AHİK) tərəfindən Zəfər Günü münasibətilə tədbir keçirilib.AHİK-in “Abşeron” sanatoriyasında təşkil olunan bayram tədbirində Konfederasiyanın rəhbərliyi və kollektivi, üzv və tabe təşkilatların nümayəndələri, həmçinin şəhid ailələrinin üzvləri, qazilər iştirak ediblər.Əvvəlcə tədbirdə Azərbaycanın Dövlət Himni səsləndirildikdən sonra müasir müstəqil Azərbaycan dövlətinin qurucusu Ulu Öndər Heydər Əliyevin və Vətən uğrunda canından keçən şəhidlərimizin əziz xatirəsi bir dəqiqəlik sükutla yad olunub.Tədbiri giriş sözü ilə açan AHİK sədri Sahib Məmmədov Vətən müharibəsindən, Müzəffər Ali Baş Komandan cənab İlham Əliyevin sərkərdəlik məharətindən, əsgər və zabitlərimizin qəhrəmanlıqlarından söz açıb, parlaq Zəfərin əhəmiyyətindən danışıb. Bildirib ki, “Dəmir yumruq” əməliyyatında qəhrəman Ordumuz Ali Baş Komandan cənab İlham Əliyevin rəhbərliyi ilə cəmi 44 günə işğala son qoydu, Ermənistanın kapitulyasiya aktına imza atmaqdan başqa yolu qalmadı. Qeyd olunub ki, Ordumuzun keçdiyi 44 günlük döyüş yolunun hər bir səhifəsi əsl qəhrəmanlıq dastanıdır və əsgərlərimizin yüksək döyüş ruhu, vətənpərvərlik hissi, əzmkarlığı dillər əzbəridir. Onun sözlərinə görə, 2023-cü ildə bir günlük antiterror tədbiri Ordumuzun artan gücünü, qüdrətini bir daha nümayiş etdirdi və bütün ölkə ərazisində dövlətimizin suverenliyi tam təmin edildi.1-4.jpeg 230.87 KB123456789101112151615

07.11.2024

Noyabrın 7-də Azərbaycan Təhsil İşçiləri Azad Həmkarlar İttifaqı Respublika Komitəsinin Məclisinin onlayn formatda iclası keçirilib. Tədbirdə Məclis üzvləri, Azərbaycan Təhsil İşçiləri Azad Həmkarlar İttifaqı Respublika Komitəsinin məsul şəxsləri iştirak ediblər. Respublika Komitəsinin sədri Araz Paşayevin rəhbərliyi ilə keçirilən iclasın gündəliyində duran bir sıra təşkilati məsələlər ətraflı müzakirə edilib.İclasda gündəlikdə duran hər bir məsələ ilə bağlı səsvermə yolu ilə qərarlar qəbul edilib.Keçirilmiş səsvermədə Tehranağa Abdullayev Respublika Komitəsi sədrinin birinci müavini, Turanə Kərimova sədr müavini vəzifələrinə seçiliblər.İclasın sonunda cari işlər və gələcək fəaliyyət planı ilə bağlı müzakirələr aparılıb, məclis üzvlərinin sualları dinlənilib və qarşıda duran vəzifələrin icrası ilə bağlı müvafiq tapşırıqlar verilib.Sonda Respublika Komitəsinin sədri Araz Paşayev yeni seçilən sədr müavinlərinə və Məclis üzvlərinə gələcək fəaliyyətlərində uğurlar arzulayıb.canli-yayim-2.jpg 111.85 KBcanli-yayim-3.jpg 119.08 KBcanli-yayim.jpg 123.71 KBcanli-yayim-4.jpg 148.74 KB

07.11.2024

2024-cü il 6 noyabr tarixində Elm və Təhsil Nazirliyinin tabeliyindəki Kataliz və Qeyri-Üzvi Kimya İnstitutunun akt zalında "Zəfər Günü"nə həsr olunmuş bayram tədbiri keçirilmişdir. Tədbirin açılışını Elmi Təşkilatların Birləşmiş Həmkarlar İttifaqı Komitəsinin sədri Habil Qurbanov etmişdir.Tədbir Azərbaycan Respublikasının dövlət himninin səsləndirilməsi və şəhidlərin xatirəsinin bir dəqiqəlik sükutla anılması ilə başlamışdır. Tədbirdə Təhsil İşçiləri Azad Həmkarlar İttifaqı Respublika Komitəsinin sədri Araz Paşayev iştirak etmiş və geniş məzmunlu çıxış etmişdir. O, 44 günlük Vətən Müharibəsinin məğrur zəfərini və bu qələbənin xalqımız üçün tarixi əhəmiyyətini ətraflı şərh edərək, ordumuzun rəşadətini və Azərbaycan xalqının sarsılmaz iradəsini diqqətə çatdırmışdır. Araz Paşayev çıxışında Prezident İlham Əliyevin Zəfər və ordumuzun qəhrəmanlığı ilə bağlı fikirlərindən sitatlar gətirərək, rəhbərliyin bu tarixi hadisəyə verdiyi yüksək dəyəri vurğulamışdır.ATİAHİ sədri tədbirdə Respublika Komitəsinin son fəaliyyətlərindən də bəhs etmiş, şəhid ailələrinə və qazilərə göstərilən diqqət və qayğını xüsusilə qeyd etmişdir. O, həmçinin alimlərin və təhsil işçilərinin sosial və peşəkar rifahının yaxşılaşdırılması istiqamətində aparılan geniş miqyaslı layihələr və tədbirlər haqqında məlumat vermişdir.Tədbirdə ilk Həmkarlar Təşkilatlarının sədrləri, I və II Qarabağ müharibəsi şəhidlərinin ailə üzvləri, qazilər və müharibə veteranlarından ibarət 70 nəfər iştirak etmişdir. Tədbirin sonunda, iştirakçılara maddi dəstək göstərilmiş və bu, onların səmimi təşəkkür və razılıqla qarşılanmasına səbəb olmuşdur.12345

06.11.2024

Noyabrın 5-də Azərbaycan Texniki Universitetində Cop-29: "İqlim Dəyişiklikləri Qlobal Təhlükənin Mənbəyidir" mövzusunda konfrans keçirilib. Tədbir Azərbaycan Respublikasının Dövlət Himninin səsləndirilməsi və şəhidlərin xatirəsinin bir dəqiqəlik sükutla yad edilməsi ilə başlayıb. Bu anlar konfransa dərin və ciddi bir məna qataraq, iştirakçıların milli dəyərlərə bağlılığını ifadə edib.Konfransda çıxış edən ATİAHİ sədrinin müavini Mirzə Cəfərzadə, Cop-29-un əhəmiyyətini və iqlim dəyişikliyinin yaratdığı təhdidlərin qlobal təhlükəsizlik üçün önəmini əhatəli şəkildə izah edib. O, iqlim dəyişikliklərinin təkcə ətraf mühiti deyil, həm də sosial, iqtisadi və siyasi aspektlərdə təhlükəsizlik məsələlərinə necə təsir etdiyini vurğulayıb.Tədbirdə Elm və Təhsil Nazirliyinə tabe olan bir sıra aparıcı elmi müəssisələrin, o cümlədən Coğrafiya İnstitutunun, Radiyasiya Problemləri İnstitutunun, Zoologiya İnstitutunun və Torpaqşünaslıq və Aqrokimya İnstitutunun nümayəndələri də iştirak ediblər. Onlar konfransda iqlim dəyişikliyi ilə bağlı öz sahələrinə aid dərin məzmunlu məruzələrlə çıxış edərək, bu qlobal problemin Azərbaycanda və beynəlxalq miqyasda mümkün təsirlərini müzakirə ediblər.IMG_2816.JPG 8.19 MBIMG_2854.JPG 7.42 MBIMG_2906.JPG 8.62 MBIMG_3017.JPG 7.73 MBIMG_2890.JPG 7.22 MB

06.11.2024

2024-cü il noyabrın 5-də ATİAHİ Nizami Rayon Komitəsi və 129 saylı tam orta məktəbin birgə təşkilatçılığı ilə 8 Noyabr Zəfər Gününə həsr olunmuş "Şanlı Zəfər Tarixim" adlı elmi-praktik konfrans keçirilib. Tədbirdə Nizami rayonunun təhsil müəssisələrində çalışan şəhid ailələri, müharibə iştirakçıları və qazilər iştirak ediblər. ATİAHİ Nizami Rayon Komitəsinin sədri Sübut Əsədov tədbir iştirakçılarını bayram münasibətilə təbrik edib və ATİAHİ Respublika Komitəsinin sədri Araz Paşayevin təbriklərini çatdırıb. Hər il keçirilən bu bayramın tarixi əhəmiyyətindən bəhs edən S. Əsədov bildirib ki, Azərbaycan Ordusunun 44 gün ərzində apardığı haqq mübarizəsi dünya tarixində yeni bir səhifə açdı. Müasir texnologiyaların istifadəsi, peşəkar hərbi heyət və strategiya ilə yanaşı, xalqın möhtəşəm birliyi bu Zəfəri mümkün etdi. Qələbəmiz müstəqil dövlətimizin gücünü və iradəsini bütün dünyaya nümayiş etdirdi. Tədbir zamanı ATİAHİ Respublika Komitəsinin sədri Araz Paşayevin adından şəhid ailələrinə və müharibə iştirakçılarına qiymətli hədiyyələr təqdim olundu.Tədbirdə qonaq qismində Cavanşir Alxasov, Pərvanə İsmayılova, Sehran Səfərov, şəhidlərin yaxınları və müəllimlər, o cümlədən, şəhid yoldaşları Leyla Mehdizadə (3 nömrəli xüsusi təhsil məktəbinin müəllimi), Müşkünaz Kərimova (3 nömrəli xüsusi təhsil məktəbinin işçisi), Yasəmən Şahverdiyeva (12 saylı tam orta məktəbin müəllimi), şəhid qızı Şəhanə Abbasova (12 saylı tam orta məktəbin müəllimi), şəhid qızı Günel Əlizadə (110 saylı uşaq bağçasının tərbiyəçi-müəllimi), şəhid anaları Solmaz Şahsuvarova (32 saylı tam orta məktəbin işçisi) və Kəmalə Abdullayeva (278 saylı uşaq bağçasının tərbiyəçi-müəllimi), digər şəhid yaxınları və müharibə veteranları iştirak ediblər. Onlar arasında Mənzər Şirinova (109 saylı tam orta məktəbin işçisi), Rayihə Quliyeva (109 saylı tam orta məktəbin müəllimi), Aynurə Əliyeva (145 saylı tam orta məktəbin müəllimi), Leyla Hüseynova (214 saylı tam orta məktəbin müəllimi), Əminə Kərimova (229 saylı tam orta məktəbin direktor müavini), İradə Pirverdiyeva (238 saylı tam orta məktəbin müəllimi), Aynur Rzayeva (110 saylı uşaq bağçasının tərbiyəçi-müəllimi), Yeganə Alıyeva (3 nömrəli internet məktəbin müəllimi), müharibə veteranları Ruslan Ağamalıyev (328 saylı tam orta məktəbin direktoru) və Ağarəzi Ağayev (70 nömrəli məktəb-liseyin işçisi), Vətən Müharibəsi Qəhrəmanı Zəfər Usubov, Xalq Şairi Baba Vəziroğlu, 201 saylı tam orta məktəbin direktoru Afaq Əliyeva və Polkovnik Siyavuş Qasımov tədbirdə iştirak ediblər.Изображение WhatsApp 2024-11-06 в 21.02.11_a1588f10.jpg 245.75 KBИзображение WhatsApp 2024-11-06 в 21.02.14_72eae9e3.jpg 154.5 KBИзображение WhatsApp 2024-11-06 в 21.02.12_c3dc9052.jpg 250.42 KBИзображение WhatsApp 2024-11-06 в 21.02.12_d42e9214.jpg 198.67 KBИзображение WhatsApp 2024-11-06 в 21.02.13_11ca0267.jpg 184.59 KBИзображение WhatsApp 2024-11-06 в 21.02.13_c4ddb999.jpg 220.42 KBИзображение WhatsApp 2024-11-06 в 21.02.14_0febc95e.jpg 158.06 KBИзображение WhatsApp 2024-11-06 в 21.02.14_72eae9e3.jpg 154.5 KBИзображение WhatsApp 2024-11-06 в 21.02.14_0906675d.jpg 288.61 KBИзображение WhatsApp 2024-11-06 в 21.02.15_033cf4e9.jpg 205.88 KB

05.11.2024

Noyabrın 2-də Azərbaycan Təhsil İşçiləri Azad Həmkarlar İttifaqının Respublika Komitəsinin "Təhsil İstirahət Mərkəzi"ndə şəhid valideynləri, qazilər və təhsil işçilərinin iştirakı ilə "Zəfərimiz Əbədidir" adlı tədbir keçirilib. Tədbir, Ümummilli Lider Heydər Əliyevin və Vətənimizin ərazi bütövlüyü uğrunda şəhid olmuş qəhrəmanlarımızın xatirəsinin bir dəqiqəlik sükutla yad edilməsi ilə başlayıb. ATİAHİ Respublika Komitəsi və Xaçmaz Rayon Komitəsinin təşkilatçılığı ilə keçirilən tədbirdə 44 günlük Vətən müharibəsində göstərilən igidlik və qəhrəmanlıq hekayələri vurğulanıb. Xaçmaz rayonunun Azərbaycanın qəhrəmanlıq tarixində xüsusi yerə sahib olduğu qeyd edilib. Müzəffər Ali Baş Komandan, Prezident İlham Əliyevin strateji rəhbərliyi və qətiyyətli qərarları nəticəsində xalqın müharibə zamanı nümayiş etdirdiyi həmrəyliklə bu tarixi qələbənin əldə edilməsi xüsusi qeyd olunub.ATİAHİ sədrinin müşavir-katibi Elşad Novruzov tədbirdə çıxış edərək, cənab Araz Paşayevin salamlarını tədbir iştirakçılarına çatdırıb və müharibənin yalnız döyüş meydanında deyil, cəmiyyətin bütün sahələrinə dərin təsir buraxdığını bildirib. O, Xaçmazda təhsil sahəsində çalışan 13 şəhid valideyninin fədakarlığını və vətənpərvərlik ruhunun qorunmasında onların rolunu xüsusi qeyd edib. Eyni zamanda, təhsil sahəsində fəaliyyət göstərən 5 şəhid xanımının və 8 qazinin xalqımızın əzmkarlığını nümayiş etdirdiyini vurğulayıb. Elşad Novruzov, həmçinin 37 müharibə veteranının təhsil işçisi olaraq öz həyat təcrübələrini və qəhrəmanlıq hekayələrini gənclərə ötürərək milli ruhun yaşadılmasına verdiyi töhfədən bəhs edib.Tədbirdə Hacisaoba kənd ibtidai məktəbinin müəllimi və şəhid anası Bibixanım Mirzəmmədova, Azərbaycanın Milli Qəhrəmanı Yavər Şahbazovun qardaşı və rayonun Çaykənarı kənd tam orta məktəbinin ilk həmkarlar təşkilatının sədri Yanvar Şahbazov, Vətən müharibəsi iştirakçısı və rayonun Arzu kənd tam orta məktəbinin direktoru Vüqar Həbibov, ATİAHİ Xaçmaz Rayon Komitəsinin sədri Yaşar Abbasov da çıxış edərək Zəfər Gününün əhəmiyyətini və Azərbaycanın bu tarixi qələbəsini vurğulayıblar.Tədbirin sonunda Xaçmazda təhsil sahəsində çalışan şəhid valideynlərinin, şəhid xanımlarının və qazilərin fədakarlığı yüksək qiymətləndirilib və onlara Azərbaycan Təhsil İşçiləri Azad Həmkarlar İttifaqı Xaçmaz Rayon Komitəsi tərəfindən maddi yardımlar təqdim edilib.IMG_0375.JPG 705.31 KBIMG_0448.JPG 759.96 KBIMG_0385.JPG 811 KBIMG_0330.JPG 695.15 KBIMG_0332.JPG 892.48 KBIMG_0334.JPG 776.19 KBIMG_0342.JPG 868.13 KBIMG_0359.JPG 3.07 MBIMG_0418.JPG 1.21 MBIMG_0465.JPG 1.24 MBIMG_0480.JPG 1.32 MBIMG_0349.JPG 2.58 MBIMG_0491.JPG 1.66 MB

03.11.2024

30 oktyabr 2024-cü il tarixində Azərbaycan Təhsil İşçiləri Azad Həmkarlar İttifaqı Respublika Komitəsinin (ATİAHİ RK) təşəbbüsü ilə Türkiyənin Eğitim-Bir-Sen təhsil işçiləri həmkarlar ittifaqının nümayəndə heyəti ilə onlayn görüş keçirilmişdir. Görüş Zoom platforması üzərindən təşkil olunmuş və hər iki tərəfin rəhbər şəxslərinin iştirakı ilə baş tutmuşdur. ATİAHİ Respublika Komitəsinin sədri Araz Paşayev, Eğitim-Bir-Sen və Memur-Sen Konfederasiyasının sədri Ali Yalçın və digər nümayəndələr bu görüşdə iştirak ediblər.Görüşün əsas məqsədi ATİAHİ Respublika Komitəsi ilə Eğitim-Bir-Sen arasında əməkdaşlığın möhkəmləndirilməsi, təhsil işçilərinin hüquqlarının qorunması sahəsində qarşılıqlı təcrübə mübadiləsinin təşviqi və əməkdaşlıq imkanlarının genişləndirilməsi olub.Çıxışında Araz Paşayev, təhsil işçilərinin beynəlxalq əmək standartlarına uyğun olaraq hüquqlarının təmin edilməsi istiqamətində birgə fəaliyyətin əhəmiyyətini vurğulayıb və tərəflər arasında təcrübə mübadiləsinin faydalı ola biləcəyini qeyd edib. Ali Yalçın da çıxışında, iki qardaş təşkilat arasında əməkdaşlığın genişləndirilməsinin, birgə təlimlər, seminarlar və peşəkar inkişaf proqramlarının həyata keçirilməsinin əhəmiyyətini diqqətə çatdırıb.Görüşün sonunda, ATİAHİ Respublika Komitəsinin sədri Araz Paşayev, Ali Yalçını dekabr ayında Azərbaycana səfərə dəvət edib və bu səfərin Azərbaycan və Türkiyə təhsil işçiləri həmkarlar ittifaqları arasında əlaqələrin daha da güclənməsinə töhfə verəcəyini bildirib.Qeyd edək ki, 450 minə yaxın üzvü ilə Eğitim-Bir-Sen Türkiyənin ən böyük təhsil işçiləri həmkarlar ittifaqıdır və Memur-Sen Konfederasiyasına daxildir. Memur-Sen Konfederasiyası isə 11 sahə həmkarlar ittifaqlarını və 1.1 milyon üzvü əhatə edir.1.jpeg 349.88 KBScreenshot 2024-10-31 at 18.15.58.png 2.72 MB

30.10.2024